"Севилья" дарвозабони Яссин Буну ёзги трансфер ойнасида клубини ўзгартириши мумкин.
Айтишларича, 32 ёшли марокашлик футболчининг хизматларига Англия Премьер-лигасининг икки клуби қизиқиш билдирмоқда: “Астон Вилла” ва “Тоттенхэм”. Бундан ташқари, манбанинг хабар беришича, Буну Миланнинг "Интер" клубига ўтиши мумкин. Қайд этилишича, италияликлар аллақачон “Севилья”га дарвозабоннинг эҳтимолий трансфери бўйича сўров юборишган.
Ўтган мавсумда футболчи барча мусобақаларда 36 та ўйин ўтказиб, 60 марта ўз дарвозасидан тўп олиб чиқди ва еттита ўйинда дарвозаси дахлсизлигини сақлаб қолди. Бунунинг "Севилья" билан шартномаси 2025 йилгача мўлжалланган. Transfermarkt экспертлари футболчининг нархини 12 миллион еврога баҳоламоқда.
