Лиссабоннинг "Спортинг" клуби ярим ҳимоячиси Мануэль Угарте "ПСЖ"га ўтишга яқин турибди.
Нуфузли инсайдер Фабрицио Романонинг сўзларига кўра, Угарте бугун Парижда "ПСЖ"нинг янги футболчиси сифатида тиббий кўриклардан муваффақиятли ўтди.
Романонинг сўзларига кўра, Угарте бугун кечқурун "ПСЖ" билан 5 йиллик шартнома имзолайди, шундан сўнг 60 миллион евролик келишув ҳақида расман эълон қилиниши кутилмоқда.
Аввалроқ, "ПСЖ" бу суммани дарҳол тўламаслиги, бир неча қисмга бўлиниши хабар қилинганди. Тўлов 5 йил ичида ёпилиши режалаштирилган.
Угарте ўтган мавсумда "Спортинг" сафида 47 та ўйинда майдонга тушиб, 1 та голли узатмани амалга оширган.
