Яқин вақтгача Шотландиянинг “Селтик” клуби бош мураббийи лавозимида ишлаб келган австралиялик мутахассис Анге Постекоглу Англия премьер-лигасига ўтди. Мураббийнинг янги иш жойи Лондоннинг "Тоттенхэм" клуби бўлади.
“Шпорлар” расмий сайтининг хабар беришича, 57 ёшли мураббий билан 2027 йилнинг ўрталаригача ҳисобланган узоқ муддатли меҳнат шартномаси имзоланган.
Эслатиб ўтамиз, "Тоттенхэм" ўтган мавсумни Антонио Конте бошчилигида бошлаган эди. Италиялик мутахассис ишдан бўшатилгач, Райан Мэйсон мураббий вазифасини бажарувчи этиб тайинланди. Лондонликлар мавсум якунида Премьер-лигада саккизинчи ўринни эгаллади.
