Италиянинг «Интер» клуби президенти Массимо Моратти жамоасининг скудетто учун курашдаги имкониятлари ва нима учун бош мураббий Страмаччонини Моуриньога қиёслашини гапириб ўтди.
«Мен скудеттони ютиб олишимизга ишонаман. Бунга ҳамма футболчилар ишониши керак, шунда улар ҳар бирлари бунга ҳаракат қилишади ва барчаси енгил кечади».
«Нега мен Страмаччонини Моуриньога тенглаштираман? Мен бу қиёсга ўз ишига бўлган фидокорликни кўриб келганман. Бу ҳар қандай профессионал учун зарур бўлган хислат. Страмаччони келажакда Моуриньо каби муваффақиятга эришиши мумкин бўлган салоҳиятга эга».
«Милан» Гвардиолани таклиф қилгани борасида фикримни сўраяпсизми? Фақат бир нарса дейишим мумкин. Бизда бундай ажойиб мураббий аллақачон бор», дея «РАИ» телеканалига интервью берди Моратти.