Лондоннинг “Челси” клуби “Реал” қизиқаётган ярим ҳимоячи Кай Хаверцни сотишдан камида 87 миллион евро ишлаб олмоқчи. Инглиз клуби 2020 йилда 23 ёшли футболчи учун Германиянинг “Байер”ига худди шундай пул тўлаган. Бу ҳақда Evening Standard нашри хабар бермоқда.
Манба берган хабарга кўра, "Реал Мадрид" вакиллари аллақачон футболчининг агентлари билан музокаралар олиб боришган. Хаверцнинг ўзи 2023/2024 йилги мавсум бошланишидан олдин жамоани ўзгартирмоқчи. Кай ўтган мавсумда 47 та ўйинда 9 та гол урди ва голли узатмани амалга оширди. Унинг "Челси" билан шартномаси 2025 йилнинг ёзига қадар амал қилади.













