"Милан"нинг таниқли устози Фабио Капелло Златан Ибраҳимовичга ҳурмат билан қарайди.
Швециялик ҳужумчи футболчи сифатида "Милан" билан хайрлашди. Капеллонинг фикрича, Ибраҳимович муваффақиятининг катта қисми ўжарлик хусусиятига боғлиқ бўлган.
"Ибранинг қайсарлиги уни баландга кўтарди. Эҳтимол, у Чемпионлар лигасида ғалаба қозона олмагани ва "Олтин тўп"ни олмагани учун афсусланса керак", деди Капелло.
Ибраҳимович 2010 йилдан 2012 йилгача, сўнгра 2020 йилдан 2023 йилгача "Милан"да ўйнаган.