Шотландиялик мутахассис Давид Мойес сўнгги пайтларда жуда кўп танқид қилинмоқда, қайсидир вақтда уни ишдан бўшатиш ҳақида ҳам гапиришди, аммо бу истеъфо рўй бермади.
Энди у "Вест Хэм" билан Конференциялар лигасида ғалаба қозонди. Клубнинг собиқ футболчиси Карлтон Коулнинг фикрича, Мойес ўз номини клуб тарихига ёзган.
"У бу клуб учун нима қилганини, минглаб "Вест Хэм" мухлисларига қандай қувонч келтирганини тушунишингиз керак. Бу одамлар унинг номини бутун умр эслаб қолишади. У шартномасини узайтиришга лойиқ" - деди Коул BBC Sport билан суҳбатда.
Карлтон Коул Лондон клуби таркибида тўққиз йил - 2006 йилдан 2015 йилгача ўйнаган.
