Shotlandiyalik mutaxassis David Moyes so‘nggi paytlarda juda ko‘p tanqid qilinmoqda, qaysidir vaqtda uni ishdan bo‘shatish haqida ham gapirishdi, ammo bu iste’fo ro‘y bermadi.
Endi u "Vest Xem" bilan Konferensiyalar ligasida g‘alaba qozondi. Klubning sobiq futbolchisi Karlton Koulning fikricha, Moyes o‘z nomini klub tarixiga yozgan.
"U bu klub uchun nima qilganini, minglab "Vest Xem" muxlislariga qanday quvonch keltirganini tushunishingiz kerak. Bu odamlar uning nomini butun umr eslab qolishadi. U shartnomasini uzaytirishga loyiq" - dedi Koul BBC Sport bilan suhbatda.
Karlton Koul London klubi tarkibida to‘qqiz yil - 2006 yildan 2015 yilgacha o‘ynagan.
