Sky Sport журналисти Флориан Плеттенбергнинг хабар беришича, "Бавария" "Лейпциг" ярим ҳимоячиси Конрад Лаймер ва Дортмунднинг "Боруссия" клуби ҳимоячиси Рафаэль Геррейруни ўз сафига қўшиб олади.
Манбага кўра, трансферлар ҳақидаги эълон кейинги икки кунга мўлжалланган. Ҳар икки футболчи клубга эркин агент сифатида қўшилади.
26 ёшли Лаймер ўтган мавсумда "Лейпциг" сафида барча турнирларда 29 та ўйинда майдонга тушиб, 4 та гол урди ва 1 та голли узатмани амалга оширди. У клубда 2017 йилдан буён ўйнаб келмоқда.
29 ёшли Геррейру 2022/23-йилги мавсумда Дортмунднинг “Боруссия” клуби сафида 36 та ўйинда майдонга тушиб, 6 та гол урди ва 14 та голли узатмани амалга оширди.
