"Фиорентина" президенти Рокко Комиссо Конференциялар лигаси финалида "Вест Хэм" мухлисларининг хатти-ҳаракати ҳақида фикр билдирди.

"Нима дейишим керак? Мен ғалаба кутгандим. Лекин шундай пайтлар ҳам бўлдики, ҳакам яхшироқ ишлаши керак эди.

Йовичнинг бурни синди, кейин Бираги билан боғлиқ вазият (трибунадан унга буюм улоқтирилди - муаллиф). Мен Премьер-лига президенти билан гаплашдим ва мухлислар ҳайвонлар эканлигини айтдим. Футболчиларимизга қандай муносабатда бўлганлари учун.

Мағлубиятга лойиқ эмасдик. Биз 3:0 ҳисобида ғалаба қозонишимиз мумкин эди", - деди Комиссо.