"ПСЖ" ҳужумчиси Неймарнинг агенти Пини Захави "Барселона" президенти Жоан Лапорта билан яхши муносабатда. Бу ҳақда журналист Фабрицио Романо ижтимоий тармоқларда хабар берди.
Бироқ ҳозирча бразилиялик футболчининг "Камп Ноу"га қайтиши ҳақида ҳеч қандай гап йўқ. Боз устига, яқинда "кўк-анорранглилар" бош мураббийи Хави Эрнандес Неймарнинг қайтиши ҳозир унинг режаларига киритилмаганини тасдиқлади.
Эслатиб ўтамиз, Неймар ёзда "ПСЖ"ни тарк этиши мумкин. Футболчи ва Париж клуби раҳбарияти хайрлашишга қарши эмас, лекин аввало бразилиялик фаолиятини давом эттириш учун мос вариантни топиши керак.
