"Манчестер Юнайтед" "Порту" дарвозабони Диогу Коштанинг трансфери учун 75 миллион евро тўламайди. Эътиборли томони, бу сумма футболчининг шартномасида товон пули сифатида ёзилган.
Португалиянинг A Bola нашри хабар беришича, "Манчестер Юнайтед" шартномада кўрсатилган товон пулини тўлашни истамаган бўлса-да, "қизил иблислар" раҳбарияти "Порту" билан музокаралар ўтказиш орқали суммани камайтириш ниятида. Қайд этилишича, "аждарлар" бошқа нархни муҳокама қилишга очиқ.
Эслатиб ўтамиз, Кошта Португалия терма жамоасининг асосий дарвозабони ҳисобланади. Аввалроқ Диогуга Англия Премьер-лигасининг бошқа клублари, жумладан, Лондоннинг "Челси" жамоаси ҳам қизиқиш билдирган.
