"Челси" бош мураббийи Маурисио Почеттино ўз клубининг "ПСЖ" ярим ҳимоячиси Мануэль Угарте трансфери борасидаги муваффақиятсизлигидан норози эмас. Журналист Фабрицио Романонинг ёзишича, аргентиналик мутахассис раҳбариятни импулсив ҳаракатлар қилмасликка чақирган.
Эслатиб ўтамиз, "Челси" Угартенинг трансферига бир қадам қолганди, аммо якунда "ПСЖ" бу пойгада ғалаба қозонди. Товон пули эвазига трансфер суммаси 60 миллион еврони ташкил қилган бўларди. Курашда уругвайликка янада каттароқ маош таклиф қилган жамоа ғалаба қозонди. "ПСЖ" футболчига йилига 10 миллион евро тўлайди, "Челси" эса бу пулнинг ярмини ҳам беришга тайёр эмас эди.
