ПСВ ярим ҳимоячиси Хави Симонс клубдаги келажаги ҳақида гапирди.
"Ҳозир кўп нарса ўзгарди. Янги мураббий билан ҳали кўришганим ҳам, гаплашганим ҳам йўқ. Мен у билан гаплашаман ва ПСВ билан музокара столига ўтираман, шундан сўнг келажагимни муҳокама қиламан. Биламан, "ПСЖ" мени қайтариб олмоқчи. Аммо, билишимча, уларнинг ҳали мураббийи йўқ" - деди Симонс.
Олдинроқ ПСВ Питер Боссни янги бош мураббий этиб тайинламоқчи экани хабар қилинганди.
20 ёшли футболчининг шартномаси 2027 йилнинг ёзига қадар мўлжалланган. 2022/23 йилги мавсумда ярим ҳимоячи жамоа сафида 48 та ўйинда майдонга тушиб, 22 та гол урди ва 12 та голли узатмани амалга оширди.
