"Арсенал" Кай Хаверцнинг "Челси"даги ҳолатини кузатаётган клублар қаторига киради. Бу ҳақда The Telegraph нашри хабар бермоқда.
"Челси" 23 ёшли германиялик футболчисини сотиши мумкин, чунки улар молиявий ҳисоботларни мувозанатлаш учун трансферлардан пул йиғишлари керак. Бу Маурисио Почеттинонинг футболчи билан ишлаш истагига қарамасдан содир бўлиши мумкин.
Хаверцнинг ўзи ҳам жамоадан кетишга қарши эмас, аммо муаммо футболчининг нархи. Лондонликлар ўз футболчиси учун 70 миллион фунт талаб қилишмоқчи. Бу потенциал харидорларни, шу жумладан "Реал"ни ҳам қўрқитади.
"Челси" Кайни 2020 йилда 80 миллион евро эвазига сотиб олганди. У жорий мавсумда АПЛда 35 та ўйинда майдонга тушиб, 7 та гол ва 1 та голли узатмани амалга оширди.
