"Arsenal" Kay Xaversning "Chelsi"dagi holatini kuzatayotgan klublar qatoriga kiradi. Bu haqda The Telegraph nashri xabar bermoqda.

"Chelsi" 23 yoshli germaniyalik futbolchisini sotishi mumkin, chunki ular moliyaviy hisobotlarni muvozanatlash uchun transferlardan pul yig‘ishlari kerak. Bu Maurisio Pochettinoning futbolchi bilan ishlash istagiga qaramasdan sodir bo‘lishi mumkin.

Xaversning o‘zi ham jamoadan ketishga qarshi emas, ammo muammo futbolchining narxi. Londonliklar o‘z futbolchisi uchun 70 million funt talab qilishmoqchi. Bu potensial xaridorlarni, shu jumladan "Real"ni ham qo‘rqitadi.

"Chelsi" Kayni 2020 yilda 80 million yevro evaziga sotib olgandi. U joriy mavsumda APLda 35 ta o‘yinda maydonga tushib, 7 ta gol va 1 ta golli uzatmani amalga oshirdi.