Мустақиллигимизнинг 21 йиллик байрами арафасида “Бунёдкор” футбол клубининг янги спорт мажмуаси қуриб битказилди. Ўзбекистон чемпиони тўп тепадиган асосий арена ёнгинасида футбол академияси жойлашган.
“Бунёдкор” болалар-ўсмирлар футбол мактаби селекция бўлимининг ишлари танаффуссиз давом этмоқда. Клубимиз офисига футбол академияси борасида бўлаётган кўплаб мурожаатларни инобатга олган ҳолда “Бунёдкор” БЎФМга кирмоқчи бўлган номзодлар анкетасини ҲАВОЛА қилмоқчимиз. Анкетани очгач, у ерда кўрсатилган барча қаторларга диққат билан эътибор беринг.
Малакали мутахассислар ва жаҳон футболининг энг сўнгги шарт-шароитлари мухайё этилган футбол мактабимизда таҳсил олмоқчи бўлганлар юқорида кўрсатиб ўтилган анкетани тўлдиришлари ҳамда қуйидаги манзилга юборишлари лозим: footballschool@fcbunyodkor.com
Қабул қилинган анкеталар билан танишиб чиққан мутахассисларимиз Сиз азизлар билан албатта боғланишади ва фарзандингизни қачон ва қаерга йиғин ўташ учун етиб келиши ҳақида маълумот беради.
