Чап қанот ҳимоячиси Ренан Лоди "Ноттингем Форест"да қолмайди.
"Ўрмончилар" бразилиялик футболчини август ойида "Атлетико Мадрид"дан 25 миллион еврога сотиб олиш имконияти билан ижарага олганди. Инсайдер Николо Скиранинг сўзларига кўра, клуб бу вариантни фаоллаштирмасликка қарор қилган, шу боис 25 ёшли футболчи “матрасчилар” жойлашган жойига қайтади, бироқ бош мураббий Диего Симеоне уни режаларига киритмаяпти. Лодига Португалиянинг "Бенфика" клуби қизиқиш билдирмоқда.
Ренан Лоди "Ноттингем Форест" сафида Премьер-лигада 28 та ўйин ўтказиб, битта голли узатмани амалга оширган. Унинг "Атлетико" билан шартномаси 2026 йилгача мўлжалланган.