Саудиянинг “Ал-Ҳилол” клуби “Ливерпуль” юлдузи Муҳаммад Салоҳга таклиф билан чиқмади. Бу ҳақда журналист Руди Галетти ижтимоий тармоқларда хабар берди.

"Миш-мишларга қарамай, "Ал-Ҳилол" Салоҳга ҳеч қандай таклиф билан чиққани йўқ”, - деб ёзади Галетти.

Журналистнинг эслашича, Муҳаммад Салоҳнинг "Ливерпуль" билан амалдаги шартномаси 2025 йилнинг ўрталарига қадар тузилган.

Салоҳ 2022/2023 йилги мавсумда “Ливерпуль” сафида 51 та ўйинда майдонга тушди. Уларда 30 ёшли мисрлик 30 та гол ва 16 та голли узатмани шерикларига етказиб берди.

Қўшимча қиламизки, Transfermarkt портали Муҳаммад Салоҳни 70 миллион еврога баҳоламоқда.