Альваро Мората "Атлетико"ни тарк этиб, Италияга қайтиши мумкин.
"Рома" "Ювентус"нинг собиқ футболчисини қўлга киритиш бўйича музокараларни бошлашга тайёр, деб хабар беради Calciomercato. Иккита вариант бор: ё мажбурий сотиб олиш шарти билан 30 миллион еврога ижарага олиш ёки мадридликлар бош мураббийи Диего Симеоне ёқтирадиган ҳимоячи Рожер Ибаньесга алмаштириш.
"Ювентус" ҳам Моратага қизиқиш билдирмоқда, аммо уни қўлга киритишга уриниб кўриши аниқ эмас.
Моратанинг ўзи яна Пауло Дибала билан ўйнашга қарши эмас.
30 ёшли футболчи Ла Лиганинг якунланган мавсумида 36 учрашувда 13 та гол урди.
