Alvaro Morata "Atletiko"ni tark etib, Italiyaga qaytishi mumkin.
"Roma" "Yuventus"ning sobiq futbolchisini qo‘lga kiritish bo‘yicha muzokaralarni boshlashga tayyor, deb xabar beradi Calciomercato. Ikkita variant bor: yo majburiy sotib olish sharti bilan 30 million yevroga ijaraga olish yoki madridliklar bosh murabbiyi Diyego Simeone yoqtiradigan himoyachi Rojer Ibanyesga almashtirish.
"Yuventus" ham Morataga qiziqish bildirmoqda, ammo uni qo‘lga kiritishga urinib ko‘rishi aniq emas.
Morataning o‘zi yana Paulo Dibala bilan o‘ynashga qarshi emas.
30 yoshli futbolchi La Liganing yakunlangan mavsumida 36 uchrashuvda 13 ta gol urdi.













