Жоржиньо "Арсенал"ни тарк этиб, Италияга қайтиши мумкин.
Жоржиньо қишки трансфер ойнасида 12 миллион евро эвазига "Челси"дан "Арсенал"га ўтган эди.
У “канонирлар” сафида 16 учрашувда майдонга тушиб, 1 та голли узатмани амалга оширди. Лондонликлар италиялик ярим ҳимоячи учун таклифлар бўлса, уни сотишга тайёр.
Жоржиньога "Лацио" мураббийи Маурицио Сарри қизиқмоқда - мураббий ва футболчи "Наполи"да бирга ишлаган.
Римликлар учун футболчининг йилига 6,5 миллион евролик юқори маоши муаммога айланиши мумкин. "Бургутлар" бу масалани футболчига камроқ маош билан узоқроқ шартнома таклиф қилиш орқали ҳал қилишлари мумкин.
