Аргентиналик ҳужумчи Лионель Месси Европада қолиши мумкин эди. La Porteria хабарига кўра, 35 ёшли футболчига икки клуб қизиқиш билдирган.
Манбага кўра, "Ньюкасл" жанубий америкалик футболчини қўлга киритмоқчи бўлган. Лионель фаолиятини давом эттиришнинг яна бир варианти Италиянинг "Интер" клуби эди.
Эслатиб ўтамиз, тахминан бир ҳафта олдин Мессининг МЛСга ўтиши эълон қилинган эди. Аргентиналик футболчи "Интер Майами" клуби билан шартнома имзолади.
Ўтган мавсумда ҳужумчи пойтахт "ПСЖ" сафида ўйнади. У Лига 1нинг 32 та учрашувида қатнашиб, 16 та гол урди ва 16 та голли узатмани амалга оширди.
