Мадриднинг "Реал" клуби ярим ҳимоячиси Тони Кроос фаолиятини Саудия Арабистонида давом эттириш имкониятига эга эди.

Bild нашри хабарига кўра, германиялик футболчи бошқа қитъага кўчиб ўтса, унга каттароқ маош таклиф қилишган. Бироқ, Кроос якунда "Реал"да қолишга қарор қилди.

Манбанинг қайд этишича, Тони фақат иккита вариантни кўриб чиқди: яна бир мавсум "Реал"да қолиш ёки фаолиятини якунлаш. Саудия Арабистонига кўчиб ўтиш футболчини умуман қизиқтирмади.

Олдинроқ Кроос кейинги мавсумда фаолиятини якунлаши мумкинлиги ҳақида хабар берилганди. Охирги мавсумда немис ўз клубига Қироллик кубогини ютишига ёрдам берди.