"Реал"нинг янги футболчиси Фран Гарсия "қаймоқранглилар" бош мураббийи Карло Анчелотти билан "Сантьяго Бернабеу"да бўлиб ўтган "Райо Вальекано"га қарши учрашувидан кейин бўлиб ўтган суҳбат ҳақида гапирди. Эслатиб ўтамиз, "Реал" яқинда ўз тарбияланувчисини қайтариб олганди.
"Сантьяго Бернабеу"да "Реал"га қарши ўйиндан кейин Анчелотти билан гаплашдим. У менга: "Тез орада машғулот базасида кўришгунча" - деди. Мен унга бу сўзлари учун жуда миннатдорман" - деди Фран "Реал"га янги келган футболчи сифатида тақдимотида берган интервьюсида.
Гарсия чап қанот ҳимоячиси сифатида ўйнайди. Ўтган мавсумда у Ла Лигада иккита гол урди ва учта голли узатмани амалга оширди.
