Ҳужумчи Уилфрид Заха "Ан-Наср"га ўтмоқчи эмас. Бу ҳақда The Guardian ўз саҳифаларида ёзади.
Криштиану Роналду ҳаракат қилаётган “Ан-Наср” клуби Захага йилига 30 миллион фунт таклиф қилган, бироқ 30 ёшли футболчи Европада қолмоқчи.
Уилфрид Заха бир неча ҳафтадан сўнг эркин агентга айланади - унинг "Кристал Пэлас" билан шартномаси июнь ойи охиригача амал қилади.
Эслатиб ўтамиз, 2022/2023 йилги мавсумда Заха “Кристал Пэлас” сафида 28 та ўйинда майдонга тушган. Уларда ҳужумчи еттита гол урди ва шерикларига учта самарали узатма берди.