Чемпионлар лигаси финали Туркияга 200 миллион доллар олиб келди, деди Туркия футбол федерацияси раҳбари Меҳмет Бююкэкши.
Ўйин Истанбулдаги "Отатурк" номидаги Олимпия стадионида бўлиб ўтди.
“Финалга бутун дунёдан меҳмонлар келиб, мамлакатимиз иқтисодиётига 200 миллион доллар ҳисса қўшдилар”, — дея Бююкэкши сўзларидан иқтибос келтирган Sozcu газетаси.
Чемпионлар лигасининг финал учрашувида “Манчестер Сити” Родрининг голи эвазига “Интер”ни 1:0 ҳисобида мағлуб этди. Хосеп Гвардиола жамоаси ўз тарихида илк бор Европанинг бош совринини қўлга киритди.
