Мадриднинг "Реал" клуби ҳимоячиси Начо Фернандес жамоанинг ҳужум чизиғини кучайтириши мумкинлиги ҳақида гапирди.

"Агар мен қарор қабул қилганимда, Мбаппе билан шартнома имзолаган бўлардим. Аммо ҳозирда Кейн бизга мос келади, Мбаппе эса келаси йили таклиф қилиниши мумкин", - деди Начо El Chiringuito билан суҳбатда.

Эслатиб ўтамиз, аввалроқ "Реал" Саудиянинг "Ал-Иттиҳод" клуби билан шартнома имзолаган ҳужумчи Карим Бенземани тарк этган эди.

ОАВ маълумотларига кўра, "Реал Мадрид"нинг ёзда асосий трансфер мақсади - "Тоттенхэм" ҳужумчиси Харри Кейн. Қайд этилишича, Мадриднинг “Реал” клуби “ПСЖ” футболчиси Килиан Мбаппенинг трансферини 2024 йилга кўчирмоқчи, чунки ҳозир парижликлар ўз футболчиси учун ортиқча пул талаб қилишлари мумкин.