ЖЧ-2014 саралаш босқичи доирасидаги Польша ва Англия терма жамоалари ўртасидаги учрашув қолдирилди, дея хабар беради Sky Sports.
Варшавада ёққан тўхтовсиз ёмғир туфайли ўйин белгиланган вақтдан кечга сурилди, аммо майдоннин аҳволи футбол ўйнаб бўлмаслиги сабабли ўйин чоршанба, 17 октябрь куни ўтказилишига келишилди.
Таъкидлаш жоиз, Варшавадаги стадионнинг томи бор, аммо ташкилотчилар томни ўз вақтида сурмаганлиги сабабли ёмғир остида қолган.
Стадионнинг сурилувчан томини ёпишга 15 дақиқа керак бўлади, стадион ходимлари ҳам уни ишга туширишга шай эдилар, аммо кучли ёмғир вақтида бунинг техник томондан бажарилиши мумкин бўлмади.
