Мадриднинг “Реал” клуби ярим ҳимоячиси Браим Диас “ПСЖ”дан шу ёзда жамоасини тарк этиши мумкин бўлган ҳужумчи Килиан Мбаппенинг мадридликлар сафига ўтиши мумкинлиги ҳақида фикр билдирди.
Мбаппе "Реал"дами? Ҳозир бу ҳақда гапиришнинг вақти эмас. Бугун менинг куним, лекин мен шунга ўхшаш савол бўлишини тасаввур қилгандим. "Реал Мадрид"да эканлигимдан хурсандман. Кийиниш хонасида ким бўлишидан қатъи назар бу ўзгармайди, - деди Диас матбуот анжуманида.
Эслатиб ўтамиз, сўнгги уч йилда Диас Италиянинг “Милан” клубида ижара асосида ўйнаган ва у билан А Серияда ғалаба қозонган.
