"Барселона" ҳужумчиси Ансу Фатининг агенти Жорже Мендеш футболчининг келажаги ҳақидаги миш-мишларга изоҳ берди. Аввалроқ “кўк-анорранглилар” ўз тарбияланувчисини сотмоқчи экани, аммо у ҳали ҳам кетишдан бош тортаётгани хабар қилинганди.
"Ансу "Барселона"да қолмоқчи. Охирги икки ўйинда учта гол урди, бу унинг юқори савиясидан далолат беради. Ишонинг, бир кун келиб у албатта “Олтин тўп”ни қўлга киритади. Рубен Невеш битими? Хотиржам бўлинг”, - деди Фатининг агенти.
"Барселона" бош мураббийи Хави Эрнандес аввалроқ Фати ёзда жамоани тарк этиши мумкинлиги ҳақида гапирган эди.
