Ҳимоячи Йошко Гвардиолга талаб катта - хорват кўплаб гигантлар, хусусан, "Манчестер Сити" учун қизиқ вариант бўлиб қолмоқда.
Goal порталининг FanSided нашрига таяниб хабар беришича, "РБ Лейпциг" Гвардиол трансферидан 75 миллион фунт (деярли 88 миллион евро) ишлаб олмоқчи.
Шу тариқа Гвардиол футбол тарихига энг қиммат ҳимоячи сифатида кириши мумкин.
2022/2023 йилги мавсумда Йошко Гвардиол “РБ Лейпциг” сафида 41 та ўйинда майдонга тушди. Уларда 21 ёшли хорватиялик футболчи учта гол урди.
Эслатиб ўтамиз, Харри Магуайр футбол тарихидаги энг қиммат ҳимоячи бўлиб қолмоқда. "Манчестер Юнайтед" унинг учун 87 миллион евро тўлаган.
