Антонио Конте журналистларга келажаги ҳақида гапирди.
Жорий йилнинг март ойи охирида италиялик мутахассис “Тоттенхэм”да бош мураббий лавозимини тарк этганди.
"Ишга қайтиш? Ҳар доим машқ қилиш истаги бор - акс ҳолда мен бу фаолиятни тарк этган бўлардим.
Шунга қарамай, шуни таъкидлашни истардимки, мен иш қидириш билан шуғулланмайман. Агар қайсидир лойиҳа менга жуда қизиқ туюлса, мен таклифни кўриб чиқаман.
Мен Италияда ҳам, хорижда ҳам ишлашга тайёрман", - дея 53 ёшли мураббийнинг сўзларини келтиради TMW нашри.
Миш-мишларга кўра, Массимилиано Аллегри жамоани тарк этса, Антонио Конте "Ювентус"га қайтиши мумкин.
