Испанияда футбол мавсуми якунланди, яъни нуфузли Transfermarkt портали Ла Лига ўйинчиларининг трансфер нархлари бўйича янгиланишлар тайёрлади ва турнирнинг энг қиммат футболчилари номини эълон қилди.

Биринчи ўрин "Реал Мадрид" вингери Винисиус Жуниорга тегишли. Ҳужумкор футболчининг нархи 30 миллион еврога кўтарилиб, ҳозир 150 миллион еврога айланган.

Иккинчи ва учинчи ўринларда унинг жамоадошлари, ёш ярим ҳимоячи Эдуардо Камавинга ва ҳужумкор футболчи Родриго жойлашган. Улар мос равишда 25 ва 20 миллионга қимматлашган, ҳозир 85 ва 100 миллион евро.

Тўртинчи ўрин “Барселона” ҳимоячиси Алехандро Бальдега тегишли бўлиб, у аввалги қийматига нисбатан 20 миллион еврога қимматлашган, футболчининг нархи 50 миллионга етган.

Кучли бешликни “Барселона” ярим ҳимоячиси Френки де Йонг эгаллаган, ҳозир унинг қиймати 75 миллионга тенг.