"ПСЖ" ҳужумчиси Килиан Мбаппе "Реал"га ўтишига шубҳа қилмаяпти.
Хабарингиз бор, 24 ёшли футболчи яқин ойларда парижликлар сафини тарк этиши мумкин ва унинг учун “Реал” асосий даъвогар сифатида кўрилмоқда.
ОАВда сўнгги пайтларда “қироллик клуби” француз юлдузи учун 200 миллион еврога яқин маблағ сарфлашга тайёрлиги айтилганди.
Le Parisien хабарига кўра, Мбаппенинг ўзи бу вариантни қўллаб-қувватламоқда: унинг фикрича, унинг "Реал"га ўтиши вақт масаласига боғлиқ.
Килиан Мбаппенинг "ПСЖ" билан амалдаги шартномаси 2024 йилгача мўлжалланган. Якунланган мавсумда ҳужумчи 43 та ўйинда майдонга тушиб, 41 та гол урди ва 10 та голли узатмани амалга оширди.
