"Ливерпуль" марказий ҳимоячиси Иброҳим Конате Кефрен Тюрамнинг "Ливерпуль"га ўтиши мумкинлиги ҳақида гапирди.
"Ницца"нинг 22 ёшли ярим ҳимоячиси мерсисайдликларнинг трансфер мақсадларидан бири ҳисобланади. Томонлар аллақачон музокаралар олиб бормоқда.
"Агар Кефрен "Ливерпуль"га ўтса, жуда хурсанд бўлардим. Мен учун у кичик укамдек ва мен уни қанотим остига олишга ва у ўсиши ва юқори даражага чиқиши учун ҳамма нарсани қилишга тайёрман. У ҳали ёш, ақл бовар қилмайдиган салоҳиятга эга", - деди Конате RMC Sport нашрига берган интервьюсида.
Кефрен Тюрам ўтган мавсумда “Ницца” таркибида 48 та ўйинда майдонга тушиб, 2 та гол ва 8 та голли узатмага муаллифлик қилган.
