"Наполи" марказий ҳимоячиси Ким Мин Чжэ жамоаси билан шартномасини узайтиришдан бош тортди. "Партенопеи" кореялик билан келишувидаги 60 миллион евро миқдоридаги товон пулини олиб ташламоқчи эди. Бу ҳақда 90min футбол хабар бермоқда.
Манбанинг қўшимча қилишича, ҳозирда бир нечта клублар Ким Мин Чжэ хизматларига қизиқиш билдирмоқда. Футболчи "Манчестер Юнайтед"дан ташқари "Ньюкасл" ва "ПСЖ" клубларининг ҳам радарида.
Эслатиб ўтамиз, ўтган мавсумда "Наполи" Калиду Кулибалининг ўрнига "Фенербахче"дан Ким Мин Чжэни таклиф қилганди. 26 ёшли кореялик футболчи илк мавсумидаёқ Италия жамоасига А Серияда ғалаба қозонишга ёрдам берди.
