"Челси" ҳужумчиси Ҳаким Зиеш португалиялик ҳужумчи Криштиану Роналду ўйнаётган "Ан-Наср"га ўтиши мумкин.
Журналист Низаар Кинселла ижтимоий тармоқдаги саҳифасида "Ан-Наср" ёзги трансфер ойнасида камида иккита футболчи билан шартнома имзоламоқчи, улардан бири Зиеш бўлиши мумкинлигини маълум қилди. Қайд этилишича, Саудия клуби Зиешда жамоанинг асосий юлдузи Криштиану Роналду учун ажойиб тўп етказиб берувчилик қобилиятини кўрмоқда.
Ўтган мавсумда 30 ёшли марокашлик барча мусобақаларда 24 та ўйинда учта голли узатмани амалга оширди. Transfermarkt маълумотларига кўра, Зиешнинг нархи 18 млн евро.
