"Chelsi" hujumchisi Hakim Ziyesh portugaliyalik hujumchi Krishtianu Ronaldu o‘ynayotgan "An-Nasr"ga o‘tishi mumkin.

Jurnalist Nizaar Kinsella ijtimoiy tarmoqdagi sahifasida "An-Nasr" yozgi transfer oynasida kamida ikkita futbolchi bilan shartnoma imzolamoqchi, ulardan biri Ziyesh bo‘lishi mumkinligini ma’lum qildi. Qayd etilishicha, Saudiya klubi Ziyeshda jamoaning asosiy yulduzi Krishtianu Ronaldu uchun ajoyib to‘p yetkazib beruvchilik qobiliyatini ko‘rmoqda.

O‘tgan mavsumda 30 yoshli marokashlik barcha musobaqalarda 24 ta o‘yinda uchta golli uzatmani amalga oshirdi. Transfermarkt ma’lumotlariga ko‘ra, Ziyeshning narxi 18 mln yevro.