"Челси" омадсиз мавсумдан сўнг таркибни кучайтириш учун имкониятлар қидирмоқда. Журналист Феликс Жонстоннинг ижтимоий тармоқларда ёзишича, Лондон клуби Франкфуртнинг “Айнтрахт” клубидан Рандал Коло-Муанига қизиқиш билдирмоқда.

Қайд этилишича, “Челси” скаутлари ва етакчилари Маурисио Почеттино жамоада кўришни истаган Лаутаро Мартинесдан кўра Коло-Муанини кўпроқ қадрлашади. Қолаверса, аргентиналик футболчини ўзига жалб қилиш қийин бўлади, чунки у "Интер"да қолмоқчи.

Рандал Коло-Муани 24 ёшда. Transfermarkt портали экспертлари франциялик футболчини 65 миллион еврога баҳоламоқда.

2022/2023 йилги мавсумда Коло-Муани 46 та ўйинда 23 та гол урди ва 17 та голли узатмани амалга оширди.