"Chelsi" omadsiz mavsumdan so‘ng tarkibni kuchaytirish uchun imkoniyatlar qidirmoqda. Jurnalist Feliks Jonstonning ijtimoiy tarmoqlarda yozishicha, London klubi Frankfurtning “Ayntraxt” klubidan Randal Kolo-Muaniga qiziqish bildirmoqda.
Qayd etilishicha, “Chelsi” skautlari va yetakchilari Maurisio Pochettino jamoada ko‘rishni istagan Lautaro Martinesdan ko‘ra Kolo-Muanini ko‘proq qadrlashadi. Qolaversa, argentinalik futbolchini o‘ziga jalb qilish qiyin bo‘ladi, chunki u "Inter"da qolmoqchi.
Randal Kolo-Muani 24 yoshda. Transfermarkt portali ekspertlari fransiyalik futbolchini 65 million yevroga baholamoqda.
2022/2023 yilgi mavsumda Kolo-Muani 46 ta o‘yinda 23 ta gol urdi va 17 ta golli uzatmani amalga oshirdi.