Англия терма жамоаси Польшага сафар уюштириб икки очкодан маҳрум бўлди.

Учрашувда аввалига Уэйн Руни ҳисобни очган ва терма жамоасини олдинга олиб чиққанди, бироқ иккинчи бўлимда Глик томонидан киритилган гол ўйинга якуний нуқтани қўйди.

Ушбу натижадан кейин Англия тўрт учрашувда 8 очко тўплаган ҳолда гуруҳда пешқадамга айланиб олди. Аммо 7 очко жамғарган Черногория терма жамоаси бор-йўғи 3та учрашув ўтказганини ҳам ҳисобга олиш керак. Навбатдаги учрашувдаги ғалаба қоратоёликларни мусобақа жадвалида Англияни қувиб ўтишига сабаб бўлиши мумкин.

ЖЧ саралаш босқичи. Европа.
ПОЛЬША – АНГЛИЯ 1:1 (0:1)
Голлар:  Глик (70) – Руни (31).
Польша: Титонь, Василевски, Глик, Вавжиняк, Пишчек, Гросицки (Милик, 83), Полянски, П. Вжолек (Межеевски, 63), Криховяк, Обраньяк (Борисюк, 90), Левандовски.
Англия: Жо Харт, Э. Коул, Жагелка, Лескотт, Жонсон, Жеррард, Кэррик, Клеверли, Милнер, Руни (Окслейд-Чемберлен, 73), Дефо (Уэлбек, 67).
Огоҳлантиришлар: Полянски (11), Глик (64) - Э. Коул (39).