"Ювентус" марказий ҳимоячиси Леонардо Бонуччи Италияни тарк этиш ҳақида ўйламоқда.
36 ёшли футболчи 2023/24 йилги мавсум охирида футболчилик фаолиятини якунлаш қарорини аллақачон маълум қилганди.
Sky Sports нашрига маълум бўлишича, фахрий футболчи фаолиятини якунлагунга қадар ўзининг сўнгги мавсумида бор эътиборини "Ювентус"даги ўйинларига қаратади ва Италия терма жамоаси билан хайрлашиши мумкин.
Леонардо Бонуччи "Скуадра Адзурра" сафида 2010 йилнинг баҳорида Марчелло Липпи қўл остида дебют қилган.
Ўз мамлакати терма жамоаси сафида 120 та ўйинда марказий ҳимоячи 8 бор рақиблар дарвозасини ишғол қилган.
