"Арсенал" Англиянинг бошқа бир клуби "Челси"да тўп сураётган германиялик ҳужумчи Кай Хаверцга таклиф билан чиқди.
Николо Скиранинг маълум қилишича, "канонирлар" раҳбарияти форвард билан 2028 йилнинг ўрталаригача ҳисобланган узоқ муддатли меҳнат шартномаси тузмоқчи. Transfermarkt Кайнинг трансфер нархини 60 миллион еврога баҳоламоқда. Унинг "аристократлар" билан шартномаси 2025 йилгача мўлжалланган.
Хаверц ўтган мавсумда Премьер-лигада 35 та ўйинда майдонга тушиб, 7 та гол ва битта голли узатмани амалга оширган.