Италия терма жамоаси ҳимоячиси Франческо Ачерби Миллатлар лигаси ярим финалида Испанияга қарши ўйиндан кейинги фикрлари билан ўртоқлашди. "Скуадра Адзурра" 1:2 ҳисобида мағлуб бўлди.
"Аввалида рақиб ташаббусни ўз қўлига олганди, бироқ бироз вақт ўтиб биз ўйинни яхшилай олдик ва вазиятлар ярата бошладик. Бироқ, менга жамоамиз жисмонан тўлиқ тайёр эмасдек туюлди. Биз керак бўлгандан кўра кўпроқ хатоларга йўл қўйдик.
Бизнинг жамоамиз қизиқарли ўйинга қайтиши керак, бизга шу нарса етишмаяпти. Биз яхшироқ ҳимоя чизиғини қуришимиз керак, бу ўйинларда ғалаба қозонишга ёрдам беради", - деди Ачерби УЕФА матбуот хизматига.
Учинчи ўрин учун баҳсда Италия терма жамоаси Нидерландияга қарши баҳс олиб боради.
