"Интер" ўзининг босниялик ҳужумчиси Эдин Жеко билан янги шартнома имзолаш борасида келиша олмади, дея хабар бермоқда инсайдер Экрем Конур ижтимоий тармоқларида.
Журналистнинг маълум қилишича, тажрибали тўпурар "нерадзуррилар"нинг маоши пастлиги сабабли янги бир йиллик шартнома таклифини рад этган. Жеко фаолиятини Туркия чемпионатида давом эттириши мумкин, унинг трансферига Истанбулнинг "Фенербахче" клуби қизиқиш билдирмоқда.
37 ёшли форвард ўтган мавсумда Италия чемпионатида 9 та гол урди ва 3 та голли узатмани амалга оширди.