Оливье Жиру Франция терма жамоаси сафида ўйинларда иштирок этиш бўйича Тьерри Анри билан тенглашди.
36 ёшли ҳужумчи Евро саралашида Гибралтарга қарши ўйинда майдонга тушди. Унинг учун бу ўйин Франция термаси сафидаги 123-ўйин бўлди. Оливьедан кўпроқ фақат Уго Льорис (145) ва Лилиан Тюрам (142) баҳсларда иштирок этган.
Бундан ташқари, Жиру Гибралтар дарвозасига боши билан гол киритди. Оливье 21-асрда Франция терма жамоасида бош билан гол киритиш бўйича рекордчисига айланди (16). Шунингдек, у Франция терма жамоаси тарихидаги энг яхши тўпурар бўлиб турибди, ҳозирда унинг ҳисобида 54 гол бор.