Olivye Jiru Fransiya terma jamoasi safida o‘yinlarda ishtirok etish bo‘yicha Tyerri Anri bilan tenglashdi.
36 yoshli hujumchi Yevro saralashida Gibraltarga qarshi o‘yinda maydonga tushdi. Uning uchun bu o‘yin Fransiya termasi safidagi 123-o‘yin bo‘ldi. Olivyedan ko‘proq faqat Ugo Lyoris (145) va Lilian Tyuram (142) bahslarda ishtirok etgan.
Bundan tashqari, Jiru Gibraltar darvozasiga boshi bilan gol kiritdi. Olivye 21-asrda Fransiya terma jamoasida bosh bilan gol kiritish bo‘yicha rekordchisiga aylandi (16). Shuningdek, u Fransiya terma jamoasi tarixidagi eng yaxshi to‘purar bo‘lib turibdi, hozirda uning hisobida 54 gol bor.
