"Вест Хэм" ҳужумчиси Жанлука Скамакка "Рома"га ўтишга яқин турибди.
Таниқли инсайдер Фабрицио Романонинг сўзларига кўра, инглиз майдонларида ўзининг энг яхши фазилатларини кўрсата олмаган 24 ёшли футболчи аллақачон Рим клубига ўтишга розилигини берган, аммо "Вест Хэм" ҳамон трансферга қаршилик кўрсатмоқда. "Болғачилар" италияликни ижарага беришни истамаяпти - улар фақат ҳужумчининг тўлиқ сотилишидан манфаатдор. Шу билан бирга, Скамакканинг ўзи "Рома"га ўтишини талаб қилмоқда.
Жанлука Скамакка ўтган мавсумда "Вест Хэм" сафида 27 та ўйинда майдонга тушиб, 8 та гол урди. Transfermarkt унинг нархини 27 миллион еврога баҳоламоқда.