Лондоннинг “Арсенал” клуби ярим ҳимоячиси ва сардори Мартин Эдегор жамоа билан янги шартнома имзолаши ҳақида гапирди. Эслатиб ўтамиз, Мартиннинг амалдаги шартномаси 2025 йилнинг ёзида якунига етади.
"Мен "Арсенал"да жуда бахтлиман, умид қиламанки, клубда узоқ вақт қоламан. Кўрамиз, ёздан кейин шартнома ҳолати қандай бўлади. Тўғрисини айтсам, ҳали музокаралар йўқ. Кўп нарса менга боғлиқ эмас. Ҳеч қандай шошқалоқлик йўқ, чунки яна икки йиллик шартномам бор”, - дея Эдегор сўзларини келтиради журналист Фабрицио Романо.
2022/23 йилги мавсум 24 ёшли Эдегор учун фаолиятидаги энг сермаҳсул бўлди. Футболчи Премьер-лигадаги мавсумни 15 гол ва 8 голли узатма билан якунлади.
